Tann 10. og 11. august 2007 verður Ovastevnan í Nólsoy. Í hesum sambandi økir Strandferðslan nógv um siglingina um vikuskiftið. Bæði Ritan og Silja Star sigla leygarkvøldið.
Aftrat Rituni fer Silja Star at sigla millum Havnina og Nólsoy.
Fríggjadagin røkir Ritan siglingina einsamøll, men fleiri túrar eru settir inn aftrat verandi ferðaætlan, og seinasti túrur verður kl. 03 náttina til leygardag.
Leygardagin siglir Ritan frá kl. 07.55 og til kl. 05 morgunin eftir. Aftrat hesum fer Silja Star at sigla frá kl. 20:30 til kl. 05 morgunin eftir.
Ritan siglir hvønn tíma leygardagin millum kl. 13 til kl. 05 morgunin eftir, og Silja Star siglir hvønn tíma leygardagin millum kl. 20.30 til kl. 04.30 morgunin eftir. Tað vil siga, at siglt verður hvønn hálva tíma.
Tað skuldi sostatt verið gaman í at sloppið aftur og fram um Nólsoyarfjørð á Ovastevnu!
Kostnaðurin fyri seinu túrarnar (tvs. frá kl. 20.00) er 100 kr. aftur og fram. Forsøla verður á Farstøðini frá fríggjadegnum. Dagtúrarnir kosta 40 kr. aftur og fram.
ssl.fo
