Ofta settir spurningar - Leið 36

Hvussu bíleggi eg pláss?

Far inn á heimasíðuna ssl.fo og trýst á Bílegging ovast í høgra horni. Útfyll teigarnar og rinda við gjaldskorti, um tú ikki hevur stovnað vanga. Tú fært eina kvittan fyri bíleggingina á teldupost tín.

Er neyðugt at bíleggja pláss?

Nei, til ber at stilla seg í bíðirøð uttan bílegging, og er pláss eftir, tá ferðandi eru komin umborð, verða ferðandi uttan bílegging tikin við, til skipið er fult.

Tó viðmæla vit tær at bíleggja pláss við bíleggingarskipanini, tá hesi hava framíhjárætt at sleppa við.

Skal eg gjalda báðar vegir á leið 36

Ja. Tú rindar fyri einvegis ferðaseðil báðar vegir.

Er neyðugt at stovna vanga?

Nei, tað ber væl til at bíleggja uttan vanga og at rinda við gjaldskorti. Tó kann tað loysa seg at hava vanga, um tú javnan ferðast við sjóðleiðunum hjá Strandferðsluni, av tí at tú fært nýtt sama vanga til allar farleiðirnar í bíleggingarskipanini hjá Strandferðsluni.

Hvussu veit eg um pláss er á túrinum, eg ætli mær við?

Um til ber at velja túrin í bíleggingarskipanini, eru pláss eftir at bíleggja. Teir túrar, har øll pláss eru bíløgd, kunnu ikki veljast.

Ber til at koma á bíðilista?

Nei, tað er ongin bíðilisti, víst verður tá til bíðirøð fyri tey, ið ikki hava bílagt ferðaseðil.

Kann eg avlýsa eina bílagda ferð?

Ja, niðast á kvittanini er ein leinkja, har til ber at strika bíløgu ferðina í seinasta lagi 2 tímar undan fráferð.

Kann eg broyta eina bílagda ferð?

Nei. Tað ber bara til at strika bílagda ferð og bíleggja nýggja, um tú ynskir aðra fráferð.

Fái eg peningin aftur, um eg avlýsi eina ferð?

Um ferðin verður avlýst í seinasta lagi 2 tímar undan fráferð, fært tú peningin aftur. Eftir hetta ber ikki til at avlýsa og peningur verður tá ikki afturgoldin.

Fái eg peningin aftur, um eg ikki møti?

Nei. Um tú ikki møtir til ásettu tíðina, fært tú ikki peningin aftur.

Skal ferðaseðilin vísast, tá farið verður umborð?

Á ferðaseðlinum er ein QR kota, ið skal skannast áðrenn tú fert umborð. Legg til merkis, at um tú hevur bílagt til fleiri ferðandi samstundis, er ein ferðaseðil og QR kota fyri øll ferðandi og pr. ferðandi.

Kvittanin fyri bíleggingina er ikki komin, hvat geri eg?

Kanna um røtt teldupostadressa er skrásett í bíleggingini, ella um kvittanin kann vera farin í postkassa til óynsktan post (spam).

Eg havi ikki bílagt pláss, kann eg møta kortini?

Ja, tú kanst stilla teg í røðina fyri tey, ið ikki hava bílagt. Tó er avmarkað av plássi umborð, og tí viðmæla vit tær at bíleggja ferðaseðil frammanundan. Hesi hava framíhjárætt og sleppa onnur bert við, um pláss er tøkt umborð við fráferð.

Hvussu veit eg, at bílegging mín er skrásett?

Tú fært kvittan í teldubrævi, sum váttar bíleggingina.

Hvussu veit eg, um mín bílegging er strikað?

Tú fært teldubræv við boðum um, at bíleggingin er strikað.

Kann eg gjalda við SSL korti?

Nei, tað ber ikki til at bíleggja ella at ferðast við SSL korti á Mykinesleiðini.

Hvussu geri eg, um eg ferðist við korti frá Studna ella ÍSF?

Tað ber ikki til at bíleggja við SSL korti, ei heldur at keypa ferðaseðil við SSL korti á Mykinesleiðini. Gevur títt Studni-kort tær rætt til at ferðast millum Mykines - Sørvág, kanst tú nýta kortið, tá ið farið verður umborð.