Virðiskort fara úr gildi á oyggjaleiðum

Gevið Gætur! Virðiskort fara úr gildi á oyggjaleiðum

Galdandi frá 8. apríl 2025

Nú nýggj prísskipan er komin í gildi, og til ber hjá fastbúgvandi í Føroyum at stovna sær árshald í okkara bíleggingarskipan, fara verandi virðirkort úr gildi.

Tó ber framvegis til at gjalda við virðirkorti í bussunum
á bygdaleiðum og fáa 15% í avsláttri á vanligum ferðaseðlum.

Um tú ikki ynskir at halda fram við at hava virðiskort, ber til at lata kortið inn og fáa peningin afturgoldnan. Hetta kann gerast við at lata kortið inn:

á Farstøðini í Tórshavn
á Sjógøtu 5 á Tvøroyri
í kioskini umborð á Smyrli

Ella senda kortið til:

Strandfaraskip Landsins
Sjógøta 5, Postsmoga 30
FO - 810 Tvøroyri

Tá ið kortið verður latið inn, skulu hesir upplýsingar fyriliggja:

For- og eftirnavn á korteigara
Telefonnummar og/ella teldupostur á korteigara
Kontonummar at flyta peningin á

Strandferðslan flytir síðani peningin skjótast til ber. Í løtuni kan væntast eitt sindur at bíðitíð.