Við hesum verður strandfaraskipið Spógvin settur til sølu.
Spógvin hevur verið í rakstri fram til mai 2020. Meðan skipið hevur ligið við bryggju, hevur fólk frá landi verið og sett motorarnar í gongd við jøvnum millumbilum.
Skipið verður selt í tí standi sum skipið er í, og er eftir yvirtøkudagin fyri keyparans rokning í øllum lutum.
Sýn í viku 11
Skipið liggur í løtuni í Skopun og kann sýnast eftir nærri avtalu í viku 11.
Tíð til sýn kann bíleggjast við at senda teldupost til heno@ssl.fo, ella við at seta seg í samband við Hera Norðberg, Trygdarsamskipara, á tlf. 293043.
Sølutilgongd
Skipið verður selt fyri hægsta boð yvir kr. 250.000.
Øll boð skulu vera skrivlig, og kunnu sendast við posti til:
Strandfaraskip Landsins
Sjógøtu 5
FO-800 Tvøroyri
Ella umvegis teldupost á fyrisiting@ssl.fo.
Øll boð skulu vera inni í seinasta lagi fríggjadagin 26. mars 2021 kl.12:00.
Nærri upplýsingar
Nærri upplýsingar um skipið kunnu fáast her.