Ritan klár eftir umfatandi umvælingar

18.02.2021

Ritan er nú aftur farin í sigling, eftir at hava verið til 50 ára klassing síðani 8. desember 2020.

Skipið hevur verið á bedingini hjá Mest í Tórshavn, har talan gjørdist um sera umfatandi umvælingar av elsta skipi í flotanum, ið var bygd í 1971 á skipasmiðju í Monnickendam í Hollandi.

Umvælingin hevur eitt nú fevnt um:

  • Stórur partur av stálinum í stýriborðssíðu er skift.
  • Fendarar í stýriborðssíðu eru skiftir.
  • Akkersspælið er skift.
  • Stórur partur av stálinum í rottanganum, kedukassunum og fortangum er skift.
  • Hjálpimotorur útskiftur.
  • Umvæling av motorakslum, búsningum og tettingarringum.
  • Vesir, manningarrúm og kokkhús eru gjørt av nýggjum.
  • Partvís umvæling av salónini.
  • Dekkskranin, lastalúkur og lastarrúm eru umvæld.

Nú umvælingin er liðug, fer Ritan aftur í sigling millum Hvannasund, Svínoy og Fulgoy, samstundis sum Jósup fer at rigga til komandi siglingina á Mykinesleiðini.

Eftir ætlan, fer Ritan til kravt eftirlit um eitt ár.