Sildberin á Nólsoyarleiðina og Súlan á Skúvoyarleiðina

22.04.2016

Tá ið Teistin fer á beding 26. apríl, fer Ternan at sigla á Sandoyarleiðini, og Jósup og Sildberin fara at sigla á Nólsoyarleiðini. Jósup siglir á Nólsoyarleiðini frá týsdegnum tann 26. apríl til og við 30. apríl. Síðani fer Sildberin at sigla á Nólsoyarleiðini. Siglt verður sambært galdandi ferðaætlan, undantikið Kristi Himmalsferðardag; tá verður siglt sum fríggjadag.

Súlan fer at røkja Skúvoyarleiðina frá 1. mai og siglt verður sambært galdandi ferðaætlan. Væntandi kemur Teistin aftur av beding 15. mai, og fara skipini aftur at sigla á síni "vanligu" farleið tá.