Í mars mánaða kunnaði SSL um bedingstíðir hjá fleiri av okkara skipum. Teistin og Ternan hava verið á beding, og komandi vikurnar skulu Sildberin, Ritan og Sam á beding.
Við hesum verður gjørt vart við broytingar og umskipanir á ymsum farleiðum, sum væntandi koma at darva tænastustøðinum nakað. Serliga sæð í ljósinum av, at 125.000 fleiri ferðandi hava brúkt oyggjaleiðir í tíðarskeiðinum frá 2014 til 2017, og at alsamt fleiri og fleiri av teimum ferðandi koma frá útheiminum. Hetta er avbjóðing, vit mugu hava í huga, tá ið samferðslumál eru á skránni.
Bedingstíðir
- Sildberin, á beding 10. – 22. september: Viðlíkahald og umvælingar.
- Ritan, á beding 10. – 19. september: Skal eftir reglunum á beding.
- Sam, á beding 1. oktober – viku 42: Skal hava 40 ára klassing.
Ad 1: Sildberin fer á beding 10. – 22. september, og røkir Súlan skúvoyarleiðina. Her má roknast við eini uml. 2 vikurssloysn.
Ad 2: Tá ið Ritan fer á beding, røkir Jósup svínoyar- og sugloyarleiðina. Her má roknast við eini 9 dagaloysn.
Ad 3: Tá ið Sam fer á beding, røkir Jósup kalsoyarleiðina. Her má roknast við minst 14 dagaloysn. Ternan ger farmatúrar á kalsoyarleiðini og ímeðan røkir Jósup siglingina á nólsoyarleiðini.
Farmatúrar við Ternuni verða sigldir mánadagar og fríggjadagar. Siglt verður úr Klaksvík kl. 11:00 og av Syðradali kl. 13:00. Tó skal hædd takast fyri, at hesar tíðir kunnu broytast orsakað av veðri og streymi.
Farmatúrar verða sigldir hesar dagar:
Mánadag: 1/10 og 8/10 og 15/10 um neyðugt.
Fríggjadag: 5/10, 12/10.
Meðan Sam er á beding koyrir leið 506 til og frá øllum túrum hjá Jósupi. Sí ferðaætlan her