Skalt tú suður við Smyrli á jóansøku? Vinarliga les nærri her:
18.06.2026
Av tí at sera nógv fólk skulu um Suðuroyarfjørð hetta vikuskiftið, vilja vit heita á øll ferðandi um at lesa niðanfyristandandi kunning:
Til túrin fríggjadagin 19. juni kl. 13:00 av Havnini, lata bila- og ferðafólkaøkið upp tveir tímar undan fráferð. Smyril letur upp fyri ferðafólki 2 tímar undan fráferð.
Til túrin fríggjadagin 19. juni kl. 19:00, letur bilaøkið upp 2 tímar undan fráferð. Smyril letur upp fyri ferðafólki 1 tíma undan fráferð.
Til túrin leygarmorgun kl. 08:45 av Havnini, letur bilaøkið upp 2 tímar undan fráferð. Smyril letur upp fyri ferðafólki kl. 08:00.
Ferðandi, ið hava bílagt ferðaseðil frammanundan, hava framíhjárætt at sleppa við. Hevur tú ikki bílagt pláss, kunnu vit ikki tryggja tær pláss umborð.
Ferðandi, ið ynskja at sleppa við bussi úr Vági leygardagin 20. juni til túrin kl. 15:15 av Krambatanga, verða vinarliga biðin um at fylla niðanfyristandandi skjal út, í seinasta lagi fríggjakvøldið 19. juni kl. 18:00.
Ítróttarfeløg verða biðin um at deila QR-kodur til øll ferðandi, ið skulu ferðast á somu bílegging. Tað er ikki neyðugt at skanna øll inn í senn, men heldur ynskja vit at tit verða skannað ein og ein.
Vit heita á øll ferðandi um at vísa tolsemi og varsemi, við m.a. ikki at troka á ferðafólkaøkinum. Hevur tú tryggjað tær ferðaseðil og møtir til tíðina, er sannlíkt, at tú sleppur við.
TIl seinast vilja vit ynskja øllum eina góða jóansøku.