Skerd ferðaætlan og tilkalliskipan á Oyggjaleiðum og Bygdaleiðum

31.03.2020

Frá 2. til fyribils 14. apríl verður farið til tilkalliskipan á leið 58 (Ritan), 61 (Spógvin) og 66 (Sildberin) og á ávístum Bygdaleiðum í kunning her. Ferðafólk skulu upplýsa navn og telefonnummar, og skulu seta seg á ávíst nummarrað umborð fyri at halda frástøðu, og hervið minka um smittuvandan í sambandi við Covid-19.

Tað verður – enn sum áður - rátt til at ferðast minst møguligt við almennari samferðslu, og bara um tað er alneyðugt.

Leið 58 hevur telefonnummar 293118, leið 61 293049 og leið 66 293117. Bíleggjast skal í seinasta lagi kl. 19 kvøldið fyri.

Ferðafólkatølini á leið 58 verða harafturat eisini lækkað úr 35 niður á 16, og á leið 61 og 66 halda ferðafólkatølini áfram at verða skerd niður í ávikavist 4 og 10. Fastbúgvandi hava framíhjárætt til plássini umborð, men skulu eins og onnur bíleggja pláss frammanundan.

Ferðafólkatøl á stórum bussum verða skerd niður í 9 fólk og á minni bussum niður í 3 fólk. Plássini eru serliga til fólk, ið røkja samfelagsligar kjarnuuppgávur. Hetta eru starvsfólk í heilsuverkinum, á eldraøkinum, løgreglu, kriminalforsorg, tilbúgving, ruskkoyring, handilsvinnu, flutning, útflutningsvinnu og annað.

Fyribils verða hesar broytingar í ferðaætlan á leið 58, 61 og 66 frá 2. apríl til 14. apríl:

66 Sandur- Skúvoy
Av	Mán.	Týs.	Mik.	Hós.	Frí.	Ley.	Sun.
Sandur	06:15	06:15	06:15	06:15	06:15
Skúvoy	06:50	06:50	06:50	06:50	06:50
Sandur						08:30	08:30
Skúvoy						09:00	09:00
Sandur	16:40	16:40	16:40	16:40	16:40	16:40	16:40
Skúvoy	17:10	17:10	17:10	17:10	17:10	17:10	17:10

61 Gamlarætt - Hestur
Av	Mán.	Týs.	Mik.	Hós.	Frí.	Ley.	Sun.
Gamlarætt	08:45	08:45	08:45	08:45	08:45	08:45	08:45
Hestur	09:05	09:05	09:05	09:05	09:05	09:05	09:05
Gamlarætt	17:10	17:10	17:10	17:10	17:10	17:10	17:10
Hestur	17:25	17:25	17:25	17:25	17:25	17:25	17:25

58 Hvannasund – Svínoy - Fugloy
Av	Mán.	Týs.	Mik.	Hós.	Frí.	Ley.	Sun.
Hvannasund	08:45	08:45	08:45	08:45	08:45	08:45	13:00
Hvannasund	14:45	14:45	14:45	14:45	14:45	14:45	18:30

Vegna trygdarumstøður á lendingini á Kirkju verður Hattarvíkar høvuðshavn í Fugloy næstu vikurnar.