Ferðaseðlar

Hvussu keypi eg ferðaseðlar?

Tú kanst bíleggja ferðaseðil áðrenn fráferð í okkara bíleggingarskipan her:

Tú kanst bíleggja pláss á hesum leiðum:

• Leið 7: Tvøroyri - Tórshavn
• Leið 36: Sørvágur - Mykines
• Leið 56: Klaksvík - Syðradalur

Um tú ikki bíleggur pláss áðrenn fráferð ber til at stilla seg í kø/ganga umborð og keypa ferðaseðil umborð, men legg til merkis, at prísurin kann vera ein annar, um tú ikki hevur bílagt frammanundan.

Á hinum sjóvegis farleiðunum keypir tú ferðaseðil, tá tú koyrir/gongur umborð.

Ferðaseðlar til bussar verða keyptir umborð á bussinum, tá tú fert umborð. Tað ber eisini til at keypa ferðaseðil til buss áðrenn fráferð á Farstøðini í Tórshavn.

Ber til at gjalda fyri ferðaseðil við gjaldskorti?

Til ber at gjalda við gjaldskorti á øllum leiðum okkara.

Ber til at gjalda fyri ferðaseðil við reiðum peningi?

Til ber at gjalda við reiðum peningi á øllum leiðum okkara.

Ber til at gjalda fyri ferðaseðil við SSL korti á øllum leiðum?

Til ber at gjalda við SSL korti á øllum leiðum okkara uttan á leið 36 Sørvágur – Mykines.

Hvussu keypi eg ferðaseðil við Tyrluni?

Ferðaseðlar við Tyrluni skulu bíleggjast á www.atlantic.fo